سياسة الخصوصية

آخر تحديث: الثلاثاء، 20/10/2026

باختصار

سيارتك تتذكر، وأنت تتحكم. موقعك ورقم لوحتك ورقم الهيكل وصورك الأصلية تبقى في جوالك. ما نبيع بياناتك، وما فيه إعلانات ولا تحليلات ولا كوكيز. التطبيق حاليًا في تجربة عائلية مغلقة، وهذي السياسة تنطبق عليه وعلى هذا الموقع.

اللي يبقى في جوالك فقط

• رقم اللوحة ورقم الهيكل (VIN).
• الموقع: كشف التوقّف يشتغل على الجوال، وإحداثيات أماكنك المحفوظة ما تنتقل لأي جهاز ثاني.
• الصور الأصلية (الفواتير، الكفرات، علب الزيت، العداد، الاستمارة والتأمين).
• الأسماء: ما توصل للذكاء الاصطناعي ولا لخادمنا ولا لأي طرف ثالث.

اللي ينتقل عبر iCloud داخل العائلة

بياناتك (السيارات، الزيارات، المصاريف، الضمانات) تنحفظ في حسابك على iCloud (قاعدة بيانات خاصة)، وتتشارك مع أفراد العائلة اللي تدعوهم فقط. اسم العائلة وأسماء الأعضاء تنتقل داخل منطقة العائلة المشفّرة طرفًا لطرف. ما عندنا خادم يخزّن بياناتك، وما نقدر نقراها.

اللي يستلمه الذكاء الاصطناعي

لما تسأل مساعد السيارة أو تطلب قراءة صورة، تمر الطلبات عبر خادم دركسون (Cloudflare Workers) إلى نموذج Claude من Anthropic. اللي يوصل أرقام وحقائق عن السيارة فقط: الماركة والموديل والسنة، العداد، وأرقام وبنود من سجلّ الصيانة والمصاريف. الخادم يرفض أي طلب فيه لوحة أو رقم هيكل أو اسم أو إحداثيات أو جوال أو رقم هوية. قراءة الصور تتم على الجوال، وإذا احتجنا نرسل صورة لتنظيمها، تنقص ويُخفى منها كل بيان شخصي على جوالك قبل الرفع. فيه حد شهري لاستهلاك الذكاء الاصطناعي. الخادم لا يحتفظ ببيانات سيارتك أو عائلتك؛ يحتفظ فقط بعدّادات الاستهلاك والتكلفة ومعرّف جهاز عشوائي للحد من الطلبات. والذكاء الاصطناعي ما يجزم بتشخيص: يقولك وش تتأكد منه ومن يتأكد.

خدمات أبل

• WeatherKit: عند تفعيل بطاقة الطقس يُرسل موقع السيارة الحالي إلى Apple Weather لجلب الطقس ومدى الرؤية، ولا نخزّنه.
• خرائط أبل: للبحث عن المحطات والمغاسل والورش القريبة، وفتح الملاحة.
• تحويل الصوت لنص: لما تسجّل زيارة بصوتك، أبل هي اللي تحوّل كلامك لنص حسب إعدادات جوالك.

تنطبق عليها سياسات أبل.

أسعار البنزين

الخادم يجيب أسعار البنزين العامة من أرامكو شهريًا، وما يرسل أي بيانات عنك.

اللي ما نسويه

• ما فيه تحليلات ولا تتبع ولا إعلانات.
• ما نبيع بياناتك ولا نشاركها لأغراض تسويقية.
• ما فيه تتبع موقع مستمر.

هذا الموقع

ما يستخدم كوكيز ولا سكربتات طرف ثالث. اختيارك للواجهة (صافي / ليل / طبلون) يتحفظ في متصفحك فقط. مزوّد الاستضافة يحتفظ بسجلات خادم عادية (عنوان IP والوقت والصفحة) لأغراض الأمان.

تحكّمك

• تقدر تسحب صلاحيات الموقع والحركة والكاميرا والإشعارات من إعدادات آيفون في أي وقت.
• قريبًا: تصدير بياناتك (CSV وMarkdown)، وحذف السيارات والزيارات من داخل التطبيق.
• حذف كل بيانات التطبيق: احذفه من الجوال ومن iCloud (الإعدادات ← Apple ID ← iCloud ← إدارة التخزين ← دركسون).

الأطفال

دركسون مو موجّه للأطفال، وما نجمع بيانات عنهم عن قصد.

التواصل

أي سؤال عن الخصوصية أو طلب يخص بياناتك: dirkson@bixet.tech. لو غيّرنا السياسة نحدّث التاريخ أعلاه.